नेपालबाट भारत लग्दै गरेको मदिरा सहित महोत्तरीबाट एकजना पक्राउ

टुडेपाटी–
जनकपुरधाम, असार ५ गते ।

महोत्तरीमा नेपालबाट भारततर्फ मदिरा लग्दै गरेको अवस्थामा एकजना पक्राउ परेका छन् ।

पक्राउ पर्नेमा भारतको बिहार राज्य सितामढी जिल्ला ग्रामपंचायत सुरसण्ड १४ का ४२ वर्षीय बिजय साहलाई पक्राउ गरिएको जिल्ला प्रहरी कार्यालय महोत्तरीले जनाएको छ ।

शनिवार बिहान करिब ११ बजे जलेश्वर नगरपालिका ३ स्थित मलिवडा गाउँ सडकमा ज ४ प ९७०१ नम्बरको मोटरसाईकलबाट नेपालबाट भारत तर्फ चोरी पैठारी गरी लुकाई छिपाई बिभिन्न ब्राण्डको मदिराहरु बरामद गरेको प्रहरी प्रवक्ता प्रहरी नायव उपरीक्षक प्रकाश विष्टले जानकारी दिए ।

प्रहरीले बरामद गरेको मदिरा ४१ हजार मुल्य बराबरको रहेको छ भने मोटरसाइकको १ लाख मुल्यांकन गरी आवश्यक कारवाहीको लागी आन्तरिक राजस्व कार्यालय जनकपुर धनुषामा बुझाएको जिल्ला प्रहरी कार्यालय महोत्तरीले जनाएको छ ।