महोत्तरीमा भन्सार छली गरेर ल्याएको लाखौँको सामान बरामद

टुडेपाटी–
महोत्तरी, असार २ गते ।

महोत्तरी प्रहरीेले भन्सार छली गरेर नेपाल ल्याइएको लाखौँको समान बरामद गरेको छ ।

बुधवार विहान करिब ७ बजेका समयमा जिल्लाको जलेश्वर नगरपालिका ६ धबौली स्थित बाँध छेउमा भारतबाट नेपालतर्फ भन्सार छली गरेर पैठारी गरी ल्याई वेवारिसे अवस्थामा रहेको २ लाख ५० हजार ३३० रुपैयाँ बराबरको सामान बरामद गरेको जिल्ला प्रहरी कार्यलय महोत्तरीले जनाएको छ ।

प्रहरीले भन्सार छली गरेर नेपाल ल्याइएको चिनी, दाल, खानेतेल, पापड, मिश्री, चना, बिस्कुट, रेडबुल, मिठाइ लगायतको खधपदार्थहरु तथा कपडाहरु बरामद गरेको प्रहरी प्रवक्ता प्रहरी नायव उपरीक्षक प्रकाश विष्टले जानकारी दिएका हुन् ।

बरामद गरिएको सामान आवश्यक कारवाहीको लागी जलेश्वर भन्सार कार्यालयमा बुझाइएको छ ।