धनुषाका एक जनप्रतिनिधि पक्राउ

टुडेपाटी-
जनकपुरधाम, जेठ १७ गते ।

धनुषाबाट एक जनप्रतिनिधि पक्राउ परेका छन् ।

ज्यान मार्ने उद्योग मुद्दामा फरार सूचीमा रहेका शहीदनगर नगरपालिका वडा नम्बर ९ को वडा सदस्यमा हालै निर्वाचित राजेश बिराजी पक्राउ परेका हुन् ।

कार्यपालिका सदस्य छनौट गर्नका लागि सोमबार मतदान गर्न आएको बेला बिराजीलाई पक्राउ गरिएको धनुषा प्रहरीका प्रवक्ता एवं डीएसपी प्रदीपबहादुर क्षेत्रीले जानकारी दिए ।

उनका अनुसार बिराजीलाई पक्रेर अन्य अनुसन्धान भइरहेको छ ।

बिराजी नेकपा माओवादी केन्द्रबाट वडा सदस्यमा निर्वाचित भएका हुन् ।