जनकपुरमा ताल्चा फोडेर राति घरमा चोरी गरेको सरसमानासहित एक युवक पक्राउ

टुडेपाटी-
जनकपुरधाम, जेठ १७ मगते

जनकपुरमा ताल्चा फोडेर घरमा चोरी गरेको आरोपमा एकजना पक्राउ परेका छन् ।

पक्राउ पर्नेमा जनकपुरधाम उपमहानगरपालिका वडा नं. ८ बस्ने २० वर्षीय मो. नियामत दर्जी रहेका छन् ।

गत जेठ ७ गते मध्य रातको समयमा उनले स्थानीय रामेश्वर चौधरीको घरमा ढोकाहरुको ताल्चा फोडेर सरसमान चोरी गरेको आरोप छ ।

उनलाई चौधरीको घरबाट चोरी गरेको सरसमानसहित प्रहरीले पक्राउ गरेको छ ।

चौधरीको घरबाट ल्यापटप थान ३ थान, सामसुङ कम्पनीको ट्याव १ थान, एमआई कम्पनीको मोबाईल १ थान, नगद ५ हजार र सुनको गरगहनाहरु चोरी भएको थियो ।

दर्जीले चोरीको सरसमान स्थानीय कलवार कुटी अगाडी चौरमा लुकाई छिपाई राखेको अवस्थामा प्रहरीले बरामद गरको हो ।

दर्जीलाई नियनत्रणमा लिई चोरी शीर्षक मुद्दामा म्याद गरी अनुसन्धान गरिरहेको जिल्ला प्रहरी कार्यालय धनुषाले जनाएको छ ।