आफ्नै भाउजूलाई पेट्रोल छर्केर आगो लगाइ हत्या गरेको आरोपमा देवर पक्राउ

टुडेपाटी-
जनकपुरधाम, जेठ १६ गते ।

आफ्नै भाउजूलाई पेट्रोल छर्केर आगो लगाइ हत्या गरेको आरोपमा देवर पक्राउ परेका छन् ।

पक्राउ पर्नेमा सप्तरीको बोदेबरसाईन नगरपालिका १ बस्ने परमेश्वर साह छन् ।

उनले गत २१ माघमा दाई रबिन साहकी श्रीमती वर्ष २७ की राजकुमारी साहलाई शरीरमा पेट्रोल छर्केर आगो लगाई हत्या गरेको अभियोग छ ।

घटना पश्चात फरार रहेका परमेश्वरलाई ईलाका प्रहरी कार्यालय बोदेबरसाईन सप्तरीबाट खटेको प्रहरी टोलिले पक्राउ गरेको हो ।

उनलाई सोमबार कर्तव्य ज्यान मुद्दामा सप्तरी जिल्ला अदालतबाट म्याद थप गरी हिसासतमा राखेर अनुसन्धान गरिरहेको सप्तरीका प्रहरी प्रवक्ता डिएसपी माधव प्रसाद काफ्लेले जानकारी दिए ।