सप्तरीमा चारवटा गोठमा आगलागी, लाखौंको क्षति

टुडेपाटी-
सप्तरी, बैशाख २८ गते ।

सप्तरीमा मंगलबार चारवटा गोठमा आगलागी भएको छ ।

राजविराज नगरपालिका वडा नम्बर १० मट्टीगढीमा चार वटा गोठ जलेर नष्ट भएको हो ।

मटीगढी शर्मा टोलका तेजनारायण शर्मा, गुलटेन सुतिहार, उमेशकुमार शर्मा, सकलदेव शर्मा र शिवनाथ यादवका गोठ जलेर खरानी भएको स्थानीयले बताए ।

गाई,भैंसीलाई खुवाउने भुस , पराल , धान तथा काठ जलेर नष्ट भएपछि करीव २० लाख बराबरको क्षति भएको प्रहरीले जानकारी दिएको छ ।