खुकुरी प्रहार गरी बुवा र आमाको हत्या

टुडेपाटी–
काठमाडौँ, बैशाख २३ गते ।

आफ्नै बुवा र आमाको खुकुरी प्रहार गरी हत्या गरेको आरोपमा ताप्लेजुङमा एक जनालाई प्रहरीले पक्राउ गरेको छ।

फक्ताङलुङ गाउँपालिका–६ गोटी थाङ्गाका २५ वर्षीय आइतराज लिम्बुलाई पक्राउ गरिएको प्रहरीले जनाएका छन् । बिहीबार साँझ प्रहरीले उनलाई पक्राउ गरेको हो।

आइतराजले बुवा ७० वर्षीय बीर्ख बहादुर लिम्बु र आमा ७२ वर्षीया थिपरानी लिम्बुको हत्या गरेको प्रहरीले जनाएको छ। उनी खुकुरीसहित पक्राउ परेका हुन्।

घटनाका सम्बन्धमा थप अनुसन्धान भइरहेको प्रहरीले जनाएका छन् ।