विमानस्थलमा बम फेला नपरेपछि उडान सुरु

टुडेपाटी-
काठमाडौं, बैशाख २१ गते ।

त्रिभुवन विमानस्थलमा बम फेला नपरेपछि उडान सुरु भएको छ ।

महानगरीय अपराध महाशाखाका प्रमुख प्रहरी वरिष्ठ उपरीक्षक (एसएसपी)वसन्तबहादुर कुँवरले विमानस्थलमा बम फेला नपरेको बताए ।

उनले खोजतलास गर्दा कतै पनि बम फेला नपरेको उनले बताए।

प्रहरी उपरीक्षक कुँवरले भने, ‘केही छैन। तैपनि अपरेसन हुँदै छ। भित्र केही देखिएन। कसले र कसरी फोन गरेर बम छ भन्यो। अनुसन्धान भइरहेको छ।’

बुधबार बिहान १० बजेतिर विमानस्थलको ल्यान्डलाइन फोनमा फोन गरेर नचिनेका मानिसले आफू मुस्लिम समुदायको मान्छे भन्दै विमानस्थल परिसरमा बम राखेको र डिस्पोज गर्न चुनौती दिएको प्रहरीले जनाएको छ।

त्यसपछि विमानमा चढ्ने क्रममा रहेका यात्रुहरूलाई ओरालेर बाहिर निकालिएको थियो।

डेढ घण्टापछि विमान उडान सुरु भएको छ।