वैदेशिक रोजगारीमा पठाएर ठगी गरेको आरोपमा धनुषाबाट एजेन्ट पक्राउ

टुडेपाटी-
जनकपुरधाम, चैत ६ गते ।

वैदेशिक रोजगारीमा पठाएर ठगी गरेको आरोपमा धनुषाबाट एकजना एजेन्ट पक्राउ परेका छन् ।

पक्राउ पर्नेमा धनुषा गणेशमान चारनाथ नगरपालिका ५ वस्ने वर्ष ३६ का दान बहादुर मगर रहेका छन् ।

मगरमाथि वैदेशिक रोजगारमा ठगी गरेको मुद्दा दायर छ ।

सोही कसुरमा फरार रहेका मगरलाई गएको बिहीबार आफ्नै गाउँमा लुकिछिपी रहेको अवस्थामा प्रहरी चौकी चिसापानीको टोलिले पक्राउ गरेको जिल्ला प्रहरी कार्यालय धनुषाले जनाएको छ ।

उनलाई आवश्यक कारवाहीको लागि सोही दिन सम्बन्धित बैदेशिक रोजगार विभाग बुद्धनगर काठमाण्डौ पठाएको धनुषाका प्रहरी प्रवक्ता डिएसपी जितेन्द्रकुमार बस्नेतले जानकारी दिए ।