मधेश प्रदेश : पूर्व–पश्चिम राजमार्ग छेउमा शव फेला

टुडेपाटी–
सर्लाही, फागुन २२ गते ।

सर्लाहीमा बेवारिसे अवस्थामा एक पुरुषको शव फेला परेको छ ।

आइतबार मध्यान्ह पूर्व–पश्चिम राजमार्ग अन्तर्गत लालबन्दी नगरपालिका–१७, रानिगन्जस्थित कालिन्जोर पुलबाट पूर्वतर्फ पुरुषको शव फेला परेको सर्लाही प्रहरीले जनाएको छ ।

पूर्व–पश्चिम राजमार्गको छेउमै सडक भन्दा उत्तरतर्फ फेला परेको शवको परिचय खुलाउने प्रयास भइरहेको इलाका प्रहरी कार्यालय लालबन्दीले जनाएको छ ।

राजमार्गमा हिँडेका मानिसहरुले शव देखेपछि प्रहरीमा खबर गरेका थिए । मृतकको टाउको र घाँटीमा चोट रहेकाले घटना शंकास्पद रहेको प्रहरीले जनाएको छ ।

जिल्लाबाट घटनास्थलमा फरेन्सिक टोलीे र प्रदेश प्रहरी कार्यालयबाट तालिम प्राप्त कुकुर मगाइएको लालबन्दीका प्रहरी निरीक्षक निर्मल थापाले बताए ।