मधेश प्रदेश : १२ हजार पिस नाईट्राभेट ट्याब्लेट बरामद

टुडेपाटी–
सर्लाही, माघ २८ गते ।

सर्लाहीमा ठुलो मात्रामा लागुऔषध बरामद भएको छ । सशस्त्र प्रहरी बलको गस्ती टोलीले नाईट्राभेट ट्याब्लेट बरामद गरेका छन् ।

शुक्रवार मध्यान्ह सशस्त्र प्रहरी बल सुन्दरपुर चोहर्बा बेस क्याम्पको गस्ती टोलीले १२ हजार ट्याब्लेट नाईट्राभेट बरामद गरेको सशस्त्र प्रहरी बल १० नम्बर गणका गणपति सशस्त्र प्रहरी उपरीक्षक भरत खनियाँले जानकारी दिए ।

सशस्त्र प्रहरीले बरहथबा नगरपालिका–१७ श्रीपुर कटानीमा ना ५५ प ९२८ नम्बरको मोटरसाईकलमा बोरा भित्र पोका पारेको अवस्थामा ट्याब्लेट बरामद गरेको छ ।
मोटरसाईमल चालक फरार भएको प्रहरी उपरीक्षक खनियाँले जानकारी दिए ।

बोराभित्र ४० वटा प्याकेटमा १२ हजार ट्याब्लेट नाईट्राभेट फेला परेको हो ।

बरामद भएको ट्याब्लेट र मोटरसाईकल थप कार्बाहीका लािग नेपाल प्रहरीलाई बुझाउने तयारी भईरहेको सशस्त्र प्रहरीले जनाएका छन् ।