बाराबाट खैरो हेरोइनसहित एक भारतीय फन्दामा
टुडेपाटी-
बारा, माघ १४ गते ।
खैरो हिरोइनसहित बाराबाट एकजना भारतीय नागरिक पक्राउ परेका छन् ।
पक्राउ पर्नेमा भारत बिहार मोतिहारी ग्राम पंचायत हरपुर-१२ ग्राम रामपुर बस्ने नन्का हुसेनको छोरा ३२ वर्षीय नबाब हुसेन रहेका छन् ।
Sponsored
उनलाई प्रहरीले लागूऔषध २१ ग्राम खैरो हिरोइनसहित पक्राउ गरेको हो ।
भारतबाट नेपालतर्फ आउँदै गरेको BR05AP 6046 नम्बरको मोटरसाइकल चेकजाँच गर्दा लागूऔषध हिरोइन फेला परेको बाराका प्रहरी प्रवक्ता डिएसपी राजेश गुप्ताले जानकारी दिए ।
हुसेनले मोटरसाइकलको भाइजरमा लुकाएर २१ ग्राम खैरो हिरोइन ल्याउँदै थिए ।
Sponsored
हुसेनमाथि थप अनुसन्धान भइरहेको जिल्ला प्रहरी कार्यालय बाराले जनाएको छ ।
