मधेश प्रदेश : लागुऔषध सहित युवक पक्राउ

टुडेपाटी–
जनकपुरधाम, माघ ७ गते ।

बाराबाट लागुऔषध सहित एकजना युवकलाई सशस्त्र प्रहरीले पक्राउ गरेका छन् ।

पक्राउ पर्नेमा मकवानपुर जिल्लाको हेटौडा उपमहानगरपालिका वडा नं. ९ पशुपतिनगरका २१ वर्षीय कृशिस गुरुङ्ग रहेको सशस्त्र प्रहरी बल नेपाल नं. २ छिन्नमस्ता बाहिनी मुख्यालय महोत्तरीले जनाएको छ ।

बिहिबार अपरान्ह करिब साढे ३ बजे बाराको बिश्रामपुर गाउँपालिका वडा नं. ३ मुसर्वा चोकमा बि.ओ.पी. बरैनिया र प्रहरी चौकी बलिरामपुरबाट खटेको प्रहरी टोलीले भारतबाट आउदै गरेको बा ७३ प ८५९५ नम्बरको मोटरसाइकललाई चेक जाँच गर्दा विन सिरेक्सा/डाइलेक्स डिसी २ झोला बरामद गरेको सशस्त्र प्रहरीले जनाएका छन् ।

पक्राउ परेका गुरुङ्ग र लागुऔषध तथा मोटरसाइकल प्रहरीलाई बुझाउने प्रक्रियामा रहेको सशस्त्र प्रहरी बल नेपाल नं. २ छिन्मस्ता बाहिनी मुख्यालयले जनाएको छ ।