ट्याक्टरमा उखु लोड गर्ने क्रममा ट्रलीमा च्यापिएर एक जनाको मृत्यु

टुडेपाटी–
सुनसरी, पुस २९ गते ।

ट्याक्टरमा उखु लोड गर्ने क्रममा ट्रली पल्टिदा सुनसरीमा एकजनाको मृत्यु भएको छ ।

जिल्लाको कोशी गाउँपालिका–३ कोशीटप्पुमा उखु लोड गर्ने क्रममा ट्याक्टरको ट्रली पल्टिंदा एक जनाको मृत्यु भएको प्रहरीले जनाएका छन् ।

ट्याक्टरको ट्रली पल्टिएर च्यापिंदा सोही स्थानका ४० वर्षीय कुमार उराउको मृत्यु भएको सुनसरी प्रहरीले जनाएका छन् ।

बुधवार साँझ ६ बजेतिर उखु लोड गरेर डोरीले बाँध्ने क्रममा ट्रली पल्टिएर उराउ च्यापिएका थिए ।