चिसोमा राहत पाएपछि सप्तरीका अग्निपीडित खुशी

शुभ नारायण यादव-
सप्तरी, पुस २० गते ।

धर्मी हल्फा महिला विकास क्लवले सप्तरीका अग्नि पीडित परिवारलाई चिसोको मौसममा राहत सामग्री दिएपछि तिनीहरु खुशी भएका छन् ।

सप्तरीको तिरहुत गाउँपालिका वडा नं. ३ पिपराही टोलका अग्निपीडित हेम नारायण साफी रजककों परिवारलाई चिसो याममा क्लवले राहत वितरण गरेपछि ती परिवार खुशी भएका हुन् ।

क्लवले राहतस्वरुप त्रिपाल, झुल, तन्ना, धोती, साड़ी, थाल, गिलास, कराही, डेकची, छोलनी, बाल्टिन, जगलगायतका सामाग्रीहरू वितरण गरेको संस्थाका अध्यक्ष सूर्य नारायण यादवले जानकारी दिए ।

गत पुस १४ गते रजकको घरमा आगलागी हुँदा दश लाख भन्दा बढीको क्षति भएको थियो ।

राहत वितरण कार्यक्रममा तिरहुत गाउपालिकाका अध्यक्ष हेमन्त बहडखैर (मनोज), वडा नं. ३ का वडाअध्यक्ष भोगान्द महात्मान यादव, वडा नं. ४ का वडाअध्यक्ष मनोज कुमार यादव, प्रहरी चोकी डिमनक़ो प्रहरी सहायक निरीक्षक लक्ष्मी राउत, आदिवासी जनजाति महासंघ सप्तरीका अध्यक्ष एवम् संचारकर्मी बृजमान तामांग, नेपाल विद्यार्थी संघ सप्तरीको नेता जय प्रकाश यादव लगायत स्थानीय व्यक्तिहरुको उपस्थिति रहेको थियो ।