कुटपिट गरी हत्या गरेको आरोपमा रौतहटबाट तीनजना पक्राउ

टुडेपाटी-
रौतहट, मंसिर २१ गते ।

कुटपिट गरी हत्या गरेको आरोपमा रौतहटबाट तीनजना पक्राउ परेका छन् ।

चन्द्रपुर नगरपालिका १ मंगलपुर बस्ने २८ वर्षीय गोपाल थिङको कुटपिट गरी हत्या गरेको अभियोगमा दाइसहित तीनजना पक्राउ परेका हुन् ।

पक्राउ पर्नेहरूमा उनकै दाइ ३५ वर्षीय रविन्द्र थिङ, माईजु नाता पर्ने ४२ वर्षीया दुधिमाया पाख्रिन र काठमाडौं घर भएका मामा नाता पर्ने ३९ वर्षीय आषिश पाख्रिन रहेको प्रहरीले जनाएको छ ।

ईलाका प्रहरी कार्यालय चपुर र प्रहरी चौकी पौराहीबाट खटिएको प्रहरीले उनीहरूलाई मंगलबार बिहान पक्राउ गरेको हो ।

उनीहरुमाथि थप अनुसन्धान भइरहेको जिल्ला प्रहरी कार्यालय रौतहटले जनाएको छ ।