धनुषामा बिजुली पोलमा मोटरसाइकल ठोक्किदा एक युवकको ज्यान गयो
टुडेपाटी-
जनकपुरधाम, चैत २१ गते ।
मोटरसाइकल अनियन्त्रित भई बिजुलीको पोलमा ठोक्किदा धनुषामा एक युवकको ज्यान गएको छ । ज्यान जानेमा मोटरसाइकल चालक धनुषाको धनौजी गाउँपालिका-५ का २६ वर्षीय अजयकुमार मण्डल रहेको प्रहरीले जनाएको छ ।
बिहीबार राति धनुषाको मिथिला नगरपालिका-६ मगरटोलस्थित सडक छेउको बिजुली पोलमा मण्डलले चलाएको प्रदेश २-०२-००२ प १६५७ नम्बरको मोटरसाइकल अनियन्त्रित भइ विद्युतको पोलमा ठोक्किँदा उनी गम्भीर घाइते भएका थिए ।
Sponsored
उनको प्रादेशिक अस्पताल जनकपुरमा उपचारको क्रममा मृत्यु भएको जिल्ला प्रहरी कार्यालय धनुषाले जनाएको छ ।
