महोत्तरीमा किराना पसल भएको घरमा आगलागी हुँदा १८ लाखको क्षति

टुडेपाटी-
महोत्तरी, मंसिर १० गते ।

महोत्तरीमा अचानक राती घरमा आगलागीबाट १८ लाखको धनमाल जलेर नष्ट भएको छ ।

महोत्तरीको सोनमा गाउँपालिका २ बस्ने राम एकवाल साहको २ तल्ले कच्ची घरमा अचानक आगोलागी भएभएर १८ लाख बराबरको क्षति भएको जिल्ला प्रहरी कार्यालय महोत्तरीका प्रहरी प्रवक्ता डिएसपी प्रकाश विष्टले जानकारी दिए ।

बिहीबार मध्यराति भएको आगलागीमा ६ लाख ५० हजार नगद, सोही घरको भुई तल्लामा संचालन भई रहेको किराना पसल, धान कुटने मिल तथा घरकोठामा रहेका लत्ता, कपडा, अन्नपात , फर्निचर लगायत अन्दाजी १८ लाख बराबरको क्षति भएको उनले बताए ।

आगलागी के कसरी भयो भन्ने विषयमा थप नुसन्धान भइरहेकको प्रहरीले जनाएको छ ।