आइबोस ग्लोबलको प्रादेशिक कार्यालय जनकपुरधाममा

टुडेपाटी-
जनकपुरधाम, मंसिर ४ गते ।

आइबोस ग्लोबल इन्टरनेशनल प्रालिले जनकपुरधाममा आफ्नो प्रादेशिक कार्यालय खोलेको छ ।

जनकपुरधाममा एक कार्यक्रमको आयोजना गरी आइबोस ग्लोबल इन्टरनेशनल प्रालिले नेटवर्किंग व्यवसायलाई प्रवद्र्धन गर्ने उद्देश्यले प्रदेश २को प्रादेशिक कार्यालय खोलेको हो ।

वस्तुको प्रत्यक्ष बिक्री प्रणालीको आधारमा काम गर्ने आइबोसले प्रदेश २मा समेत आफ्नो सेवा विस्तारका लागि शाखा खोलेको प्रदेश २ आइबोसका प्रतिनिधि हरेराम साहले जानकारी दिए । उनका अनुसार आइबोसले आयुर्वेदिक उत्पादनको बिक्री वितरण गर्दै आई रहेको छ ।

आइबोसले ६० भन्दा बढी वस्तुको उत्पादन गर्दै आईरहेको छ । आइबोसले स्वास्थ्य, सौन्दर्यलाई आफ्नो मूल नारा बनाएर सिधा क्रेतासम्म आफ्नो उत्पादनको बिक्री गर्दै आईरहेको छ ।

कम्पनीले फेसियल वाश, साबुन, कन्डिशनर, स्लिपींग मैट लगायतका वस्तुहरुको उत्पादन गर्दै आईरहेको छ । ती सबै वस्तुहरुको उत्पादन नेपालमै हुँदै आईरहेको छ ।