धनुषामा दुई मोटरसाइकल एकआपसमा ठोकिँदा एकजनाको मृत्यु

टुडेपाटी-

जनकपुरधाम, कात्तिक २५ गते ।

धनुषामा दुई मोटरसाइकल एकआपसमा ठोकिदा एकजनाको मृत्यु भएको छ । जिल्लाको क्षीरेश्वरनाथ नगरपालिका वडा नं. ५ महेन्द्रनगरस्थित जनकपुरधाम-ढल्केवर सडक खण्डमा एकआपसमा मोटरसाइकल ठोकिँदा एक जनाको मृत्यु भएको छ ।

ढल्केवरबाट जनकपुरतर्फ गइरहेको ज ९ प २३५५ नम्बरको मोटरसाइकल र विपरित दिशाबाट तीन जना सवार प्रदेश २–०१–००१ प ४८५८ नम्बरको मोटरसाइकल बुधबार राति १० बजे एकआपसमा ठोक्किएका थिए ।

ठक्करबाट मुत्यु हुनेमा प्रदेश २–०१–००१ प ४८५८ नम्बरको मोटरसाइकलका चालक रहेको इलाका प्रहरी कार्यालय महेन्द्रनगरका प्रहरी निरीक्षक तिलक सुनारले बताए । उनले मृतक चालकको नामथर र ठेगाना तत्काल खुल्न नसकेको बताउँदै उनको प्रादेशिक अस्पतालमा उपचारको क्रममा मृत्यु भएको जानकारी दिए । गम्भीर घाइते अवस्थामा उनलाई उपचारका लागि अस्पताल पु¥याइएको थियो ।

यता, जनकपुरधामबाट ढल्केवरतर्फ आउँदै गरेको ज ९ प २३५५ नम्बरको मोटरसाइकलमा सवार तीन जना घाइते भएका छन् । घाइते हुनेहरुमा सिरहको मिर्चैया नगरपालिका वडा नं. ६ का अमित साह, रोशन महतो र राज साह रहेका छन् । त्यसमध्ये गम्भीर चोटपटक लागेका अमितको विराटनगरस्थित नोबेल मेडिकलमा उपचार भइरहेको प्रहरी निरीक्षक सुनारले जानकारी दिए ।
ठक्करबाट दुबै मोटरसाइकल क्षतविक्षत भएको छ ।