बाराबाट पटाकासहित तीन जना पक्राउ

टुडेपाटी-
बारा, कार्तिक १७ गते ।

बाराबाट विष्फोटक पदार्थ पटाकासहित तीन जना पक्राउ परेका छन् ।

पक्राउ पर्नेहरुमा मकवानपुर हेटौडा उपमहानगरपालिका १५ बस्ने ३४ वर्षीय बुद्ध लोप्चन, ३२ वर्षीय राजकुमार लोप्चन र २५ वर्षीय बुद्ध लोप्चन पक्राउ परेका हुन् ।

उनीहरुलाई प्रहरीले बाराको फेटा गाउँपालिका ३ बाट गए राति पटाका सहित पक्राउ गरेको हो ।

ना ३८ प ७९५३ र ना १६ प ६२२९ मोटरसाइकलमा तीन जना नेपालतर्फ आइरहेको बेला रोकेर चेकजाँच गर्दा उनीहरुको साथबाट कार्टुनमा राखी लुकाएर ल्याएको पटाका बरामद भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिए ।

उनीहरुको साथबाट किङ कोबरा- ११ बण्डल र ईलेक्ट्रिक स्पार्कर्स५० प्याकेट बरामद भएको जिल्ला प्रहरी कार्यालय बाराले जनाएको छ ।

उनीहरुमाथि विष्फोटक पदार्थ अन्तर्गत कसूरमा पहिलो पटक जिल्ला अदालत बाराबाट ५ दिनको म्याद लिइ थप अनुसन्धान गरिरहेको जनाएको छ ।