प्रेस सेन्टर महोत्तरीको अध्यक्षमा पत्रकार धनवीर महतो

टुडेपाटी-
महोत्तरी, कार्तिक १६ गते ।

प्रेस संगठनको प्रारुप प्रेस सेन्टर नेपाल महोत्तरीको अध्यक्षमा पत्रकार धनवीर महतो चयन भएका छन् ।

मंगलबार भएको प्रेस सेन्टरको दोश्रो जिल्ला अधिवेशनबाट महताको अध्यक्षतामा १३ सदस्य जिल्ला समिति सर्वसम्मत रुपमा चयन गरिएको हो ।

यस्तै समितिको उपाध्यक्षमा विशाल बस्नेत, सेन्टरको महिला उपाध्यक्षमा रिता लामा, सचिवमा अमृत कुमार महतो, सह–सचिवमा ममता शर्मा, कोषध्यक्षमा आशा कुमारी तोलाङ्गे चयन भएका हन् ।

सदस्यहरुमा बिबेक कुमार महतो, रामबाबु यादव, अन्जनी कुमारी सिंह, कल्पना राई, मञ्जु कुमारी महतो, राधा कृष्ण शर्मा र साजन चिमोरीया रहेका छन् ।

प्रेस सेन्टर नेपाल प्रदेश नम्बर २ का अध्यक्ष किरण कुमार कर्ण र प्रेस सेन्टर नेपालका केन्द्रीय सदस्य सुनिता बरालकोे उपस्थितीमा सेन्टरको अधिवेशन सम्पन्न भएको हो ।