जनकपुरधामको राजदेवी मन्दिरमा १४ हजारबढी बोका बलि प्रदान

टुडेपाटी-
जनकपुरधाम, असोज २८ गते ।

जनकपुरधामको मुख्य शक्तिपीठ राजदेवी मन्दिरमा यस वर्ष १४ हजार २९१ बोका बलि प्रदान गरिएको छ ।

बुधबार राति ८ बजेर ५ मिनेट बाट सुरु भएको बोका बलि बिहान ३ बजेर ३८ मिनेटसम्म चलेको थियो ।

बोकाबली प्रदान गर्नका लागि यसपालि ४ वटा अस्थायी ठेहा (बलि प्रदान गर्ने स्थल) राखिएको थियो ।

प्रत्येक ठेहामा १० जनाको समूहमा बलि प्रदान गर्ने स्वयंसेवक जनशक्तिहरु परिचालन गरिएको थियो। प्रत्येक ठेहामा प्रतिमिनेट ४० को संख्यामा बलिप्रदान गरिएको हो ।

बलिप्रदान कार्यक्रमलाई व्यवस्थित बनाउन आयोजक महावीर युवा कमिटीले ५ सयको संख्यामा स्वयंसेवक परिचालन गरेको थियो ।

गत वर्ष कोरोना महामारीको कारण ८ हजार ९ सय ६८ बोका बलि प्रदान गरिएको थियो ।