सिरहाबाट अवैध लागूऔषधसहित तीनजना प्रहरीको फन्दामा

टुडेपाटी-
जनकपुरधाम, असोज २४ गते ।

सिरहाबाट अबैध लागुऔषधसहित तीनजनालाई प्रहरीले पक्राउ गरेको छ ।

पक्राउ पर्नेमा सिरहा नगरपालिका २१ लकडीगोठ बस्ने वर्ष १९ को विमलेश कर्ण, सोही ठाउँका वर्ष २६ को वंशराज मुखिया र सप्तरीको राजविराज नगरपालिका ९ बस्ने वर्ष १९ को निकित कुमार रहेका छन् ।

सिरहा नगरपालिका-१५ बुधौरा दशगजास्थितमा प्रहरी चौकी खिरौना सिरहा र सशस्त्र प्रहरी बल बुधौरा सिरहाबाट खटिएको संयुक्त टोलीले चेकजाँच गर्ने क्रममा उनीहरूलाई पक्राउ गरेको जिल्ला प्रहरी कार्यालय सिरहाले जानकारी दिएको छ ।

पक्राउ परेका तीनैजनाको साथबाट बीआर ३२ एजी ५५११ नम्बरको मोटरसाइकललाई चेकजाँच गर्दा अबैध लागुऔषध नाइट्रोभेट १० पत्ता (३०० ट्याव्लेट) फेला परेको प्रहरीले जनाएको छ ।

घटनाबारे थप अनुसन्धान कार्य भइरहेको सिरहा प्रहरीले जनाएको छ ।