धनुषामा ट्याक्टरको ठक्करबाट मोटरसाइकल चालकको ज्यान गयो

टुडेपाटी-
जनकपुरधाम, असोज १५ गते ।

धनुषामा ट्याक्टरको ठक्करबाट मोटरसाइकल चालकको ज्यान गएको छ ।

बिहीबार ट्याक्टर र मोटरसाइकल आपसमा ठोक्किँदा लक्ष्मीनिया गाउँपालिका–२ मा भएको दुर्घटनामा मोटरसाइकल चालक लक्ष्मीनिया गाउँपालिका–१ का ४५ वर्षीय जुगेश्वर साहको मृत्यु भएको प्रहरीले जनाएको छ ।

दुर्घटनामा परी गम्भीर घाइते भएका उनको उपचारको क्रममा प्रादेशिक अस्पताल जनकपुरमा मृत्यु भएको हो ।

ज २ त ९२८ नम्बरको ट्याक्टर र ज११प ८००७ नम्बरको मोटरसाइकल हिजो साँझ करिब ६ बजे आपसमा ठोक्किएका थिए । ट्याक्टर चालक फरार रहेकाले खोजी भइरहेको प्रहरीचौकी लक्ष्मीनियाँले जनाएको छ ।