सर्लाहीमा लागूऔषधसहित एक युवक सशस्त्र प्रहरीको नियन्त्रणमा

टुडेपाटी-
सर्लाही, असोज १३ गते ।

सशस्त्र प्रहरीले सर्लाहीमा विभिन्न किसिमका लागूऔषधसहित एक युवक पक्राउ परेका छन् ।

पक्राउ पर्नेमा कौडेना गाउँपालिका १ बस्ने २४ वर्षीय जीतेन्द्र साह छन् । सशस्त्र प्रहरी बल नेपाल (बोर्डर आउट पोष्ट) मलंगवाबाट खटेको टोलीले उनलाई मलंगवा नगरपालिका ९ स्थित सीमा इलाकाबाट मंगलबार पक्राउ गरेको हो ।

Sponsored

शंकाका आधारमा साहलाई जाँच गर्दा उनको साथमा नाइट्राजेपाम ७ सय ८० वटा, डाइजाल्याप २० वटा र नोफिन ९ वटा फेला पारेपछि उनलाई पक्राउ गरी बरामद लागूऔषधसहित आवश्यक कारबाहीका लागि नेपाल प्रहरीलाई बुझाइएको सशस्त्रले जनाएको छ ।