महोत्तरीमा रुखबाट खसेर एकजनाको मृत्यु

टुडेपाटी-
महोत्तरी, भदौ २० गते ।

महोत्तरीमा रुखबाट लडेर एकजनाको मृत्यु भएको छ ।

जलेश्वर नगरपालिका–३ खैरागाउँमा रुखबाट लडेर स्थानीय ६२ वर्षीय खोबारी खानको मृत्यु भएको हो ।

शनिबार बारीमा रहेको रुखको हाँगा काट्नेक्रममा उनी अचानक लडेर गम्भीर घाइते भएका थिए ।

खानको जिल्ला अस्पताल जलेश्वरमा उचारका क्रममा मृत्यु भएको महोत्तरीका प्रहरी प्रवक्ता डिएसपी प्रकाश विष्टले जानकारी दिए ।