बारामा बाघको आक्रमणबाट दुई जना घाइते

टुडेपाटी-
बारा, भदौ १८ गते ।

बारामा बाघको आक्रमणबाट दुई जना घाइते भएका छन् । बाराको केल्हवी नगरपालिका–११ का ४९ वर्षीय हरिकिशुन पनुहर र ५० वर्षीय पाहुन चौधरी घाइते भएका घाइते भएका छन् ।

दाउरा लिन कोल्हवी निजगढअन्तर्गत चारकोसे झाडीमा गएका बेला दुवै जनालाई पाटेबाघले आक्रमण गरेको बाराका प्रहरी प्रवक्ता एवं प्रहरी नायब उपरीक्षक गौतम मिश्रले जानकारी दिए ।

दाउरा टिपिरहेका बेला पछाडिबाट पाटे बाघले आक्रमण गर्दा दुवैजनाको हात, घाँटी, जिउ, छातीलगायतमा चोट लागेको उनले बताए ।

घाइते भएकाहरूको अवस्था अहिले सामान्य रहेको छ ।