सिरहाबाट ब्राउन सुगरसहित एक युवक पक्राउ

टुडेपाटी-
सिरहा, भदौ १८ गते ।

सिरहाबाट अबैध लागुऔषध ब्राउन सुगरसहित एक युवकलाई प्रहरीले पक्राउ गरेको छ ।

पक्राउ पर्नेमा सिरहाको मिर्चैया नगरपालिका-५ बस्ने २६ वर्षीय मोहमद नियाज शेख रहेका छन् ।

सिरहा नगरपालिका-१७ काली चौकस्थित ईलाका प्रहरी कार्यालय माडर सिरहाबाट खटिएको प्रहरी गस्ती टोलीले चेकजाँच गर्ने क्रममा शुक्रबार शेखलाई पक्राउ गरेको जिल्ला प्रहरी कार्यालय सिरहाले जानकारी दिएको छ ।

पक्राउ परेका शेखको साथबाट साढे दश ग्राम ब्राउन सुगर बरामद भएको छ । घटनाबारे थप अनुसन्धान भईरहेको प्रहरीले जनाएको छ ।