मोटरसाइकलमाथि पहिरो खस्दा महोत्तरीका एक युवकको मृत्यु, जनकपुरका युवक घाइते

टुडेपाटी-
जनकपुरधाम, भदौ १३ गते ।

मोटरसाइकलमाथि पहिरो खस्दा महोत्तरीका एक युवकको मृत्यु भएको छ भने जनकपुरका एक युवक घाइते भएका छन् ।

मृत्यु हुनेमा मोटरासइकल चालक मोहत्तरीको रामगोपालपुरका २८ वर्षीय सरोजकुमार साहको छन् । यस्तै उनको पछाडि मोटरसाइकलमा सवार धनुषाको जनकपुरधाम उपमहानगरपालिका ८ बस्ने रामाननन्दचोकका ३० वर्षीय सतिसकुमार साह रहेको जिल्ला प्रहरी कार्यालय काभ्रेले जनाएको छ ।

Sponsored

आइतबार दिउँसो काठमाडौंबाट विपी राजमार्ग हुँदै जनकपुर फर्किने क्रममा ज.८.प ७४९० नम्बरको मोटरसाइकलमाथि काभ्रको रोशी गाउँपालिका वडा नम्बर ७ कटुन्जेस्थित पहिरो गई ढुंगा माटो खस्दा मोटरसाइकल दुर्घटना भएको थियो ।
दुर्घटनामा गम्भी घाइते मोटरसाइकल चालक सरोजको धुलिखेल अस्पतालमा उपचारको क्रममा मृत्यु भएको हो । उनका घाइते साथी सतिसको सोहि अस्पतालमा उपचार भइरहेको छ ।