१ सय रुपैँये आलु र १ सय ५० रुपैँया प्रतिकिलो प्याज बेच्ने जगनरायण पक्राउ

टुडेपाटी
वीरगंज, चैत १४ गते ।
कोरोना संक्रमणको महामारी रोक्न सरकारले घोषणा गरेको लकडाउनको मौका छोपेर कालोबजारी गर्ने वीरगंजबाट एकजना व्यपारी पक्राउ परेका छन् ।
साविकको भन्दा दोब्बर तथा तेब्बर बढी मूल्यमा आलु र प्याज बिक्री गरेको अभियोगमा प्रहरीले आलुप्याज व्यापारीलाई पक्राउ गरेको हो ।

पक्राउ पर्नेमा पर्साको वीरगन्ज महानगरपालिका–१ छप्कैया घर भएका ५० वर्षीय जगनारायण पटेल रहेको प्रहरीले जनाएको छ । उनले आलू प्रतिकिलो १०० रुपैयाँ तथा प्याज प्रतिकिलो १०० देखि १५० रुपैयाँमा बिक्री गरेको पाइएको छ । बजारमा यसअघि आलू २० देखि ४० रुपैयाँ र प्याज प्रतिकिलो ५० रुपैयाँमा बिक्री हुने गरेको थियो ।

प्रहरीले पक्राउ परेका पटेलको साथबाट आलु र प्याज समेत बरामद गरेको छ ।

Sponsored