वीरगञ्जमा जुवाको खालबाट ७ जुवाडे प्रहरीको फन्दामा

टुडेपाटी-
वीरगञ्ज, साउन १ गते ।

वीरगञ्जमा जुवाको खालबाट ७ जुवाडे प्रहरीको फन्दामा परेका छन् ।

वीरगञ्ज महानगरपालिका १५ स्थित मेडिकल कलेज छेउको निर्माणधीन भवनको माथिल्लो तल्लामा जुवा खेलिरहेको अवस्थामा रकमसहित जुवाडेहरु पक्राउ परेका हुन् ।

पक्राउ पर्नेमाहरुमा वीरगञ्ज महानगरपालिका ६ का श्यामबाबु सोनार, वीरगञ्ज १५ बस्ने सुनिल सर्राफ, वीरगञ्ज ३ का अली असगर अन्सारी, वीरगञ्ज १६ का भगवानप्रसाद महत्तो, बारा महागढीमाई १० का धिरेन्द्रप्रसाद जैसवाल, रौतहट गौर १ का रमेश चौधरी र भारत बिहारका रामबाबुप्रसाद सोनार रहेको जिल्ला प्रहरी कार्यालय पर्साले जनाएको छ ।

प्रहरीका अनुसार उनीहरुको साथबाट १ लाख ५८ हजार रुपैयाँ नगद र १० बुक ताससमेत बरामद भएको छ ।

उनीहरुमाथि सार्बजनिक हित, स्वास्थ्य सुरक्षा, सुविधा नैतिकता विरुद्धको कसुर (जुवा) अन्तर्गत अनुसन्धान अगाडि बढाइएको प्रहरीले जनाएको छ।