धान दिवसमा सप्तरीमा सडकमै रोपाइ

शुभ नारायण यादव–

सप्तरी , असार १५ गते ।

आज असार १५ गते धान रोपाइ गर्ने धान दिवस । हुनत देशभरिमा खेतमा धान रोपाइ गरी धान दिवस मनाइयो । तर, सप्तरीमा भन्ने धान दिवसको अवसरमा स्थानीय युवाहरुले सडकमै धान रोपेका छन् ।

समान्य बर्षामा पनि सप्तरीको पातो कठोना सडक खण्ड हिलाम्य बनेको भन्दै आक्रोशित युवाहरुले बीच सडकमै धान रोपाइ गरेका हुन् । बर्षोदेखि सो सडक खण्ड जीर्ण रहेको तथा समान्य बर्षामा पनि हिलाम्य बनेको भन्दै स्थानीय युवाहरुले सडकमा धान रोपाइ गरी विरोध जनाएको डाक्नेश्वरि नगरपालिका ७ का अर्जुन बुमार यादवले बताए ।

सडक जीर्ण भएको वर्षौ बितिसक्दा पनि स्थानीय ,प्रदेश तथा केन्द्रीय सरकार समेत मोन रहेको भन्दै स्थानीयहरुले बीच सडकमै धान रोपाइ गरेका हुन् ।

समान्य बर्षामा पनि सो सडक हिलोमय बनेपछि सो आसपासका अन्रगत डाक्नेश्वरि नगरपालिकाका पातो ,भुतहि ,आरोही ,कबिलासा , गम्हरिया प्रवाहा ,ब्रहमपुर लगायत बोदे बर्साइन नगरपालिकाका विभिन्न वडाका हजारौं स्थानीयबासिहरुरुले आवत जावत गर्दा सास्ती भोग्न बाध्य छन् ।