सप्तरीमा घरेलु हतियारसहित भारतीय नागरिक पक्राउ

शुभ नारायण यादव-
सप्तरी , जेठ २९ गते।

सप्तरी प्रहरीले अवैध घरेलु हतियारसहित नेपाल प्रवेश गर्न लागेको एक भारतीय नागरिकलाई पक्राउ गरेको छ ।

पक्राउ पर्नेमा भारतकाे विहार राज्यको मधुबनी जिल्लाको बोगटियाका २४ वर्षीय जितेन्द्र कुमार मण्डल रहेका छन् ।

सशस्त्र प्रहरी बिओपी स्वर्णपट्टीबाट सहायक प्रहरी नायव निरिक्षक चन्द्रबहादुर यसमाली नेतृत्वमा गस्तीमा खटिएको सशस्त्र प्रहरीको टोलीले मण्डललाई गएराति पक्राउ गरेको हो ।

हतियारसहित मण्डल नेपाल प्रवेश गर्न लागेका मण्डललाई सप्तरीको बोदे बरसाईन नगरपालिका वडा न.–९ स्वर्णपट्टीस्थित दशगज्जा क्षेत्रबाट पक्राउ गरिएको छ ।

यता पक्राउ परेका मण्डललाई हतियारसहित आवश्यक कारबाहीको लागि नेपाल प्रहरीलाई बुझाइएकाे प्रहरीले जनाएको छ ।