महोत्तरीबाट लागुऔषधसहित एकजना नाबालक र ४ युवा प्रहरी नियन्त्रणमा

टुडेपाटी-
जनकपुरधाम, जेठ ७ गते ।
महोत्तरीबाट लागुऔषधसहित चारजना युवा र एकजना नाबालकलाई प्रहरीले पक्राउ गरेको छ । साथै लागुऔषध मगाउन लगाउने एक व्यक्ति पनि पक्राउ परेका छन् ।

शुक्रबार इलाका प्रहरी कार्यालय वर्दिवासको टोलीले बर्दिवास ३ पाटुबाट लागुऔषधसहित तीनजना युवालाई पक्राउ गरेको हो ।  

पक्राउ पर्नेमा बर्दिवास नगरपालिका १४ बस्ने २८ वर्षीय ईन्द्रजीत साह सोनार, सिन्धुली कमलामाई नगरपालिका ६ बस्ने २४ वर्षीय रोशन थापा र सिन्धुली गोलन्जोर गाउँपालिका ५ बस्ने रोहित थापा रहेका छन् । प्रहरीले उनीहरुले प्रयोग गरेको बा८२प ५११८ नम्वरको मोटरसाइकल पनि नियन्त्रणमा लिएको जिल्ला प्रहरी कार्यालय महोत्तरीका प्रवक्ता डीएसपी प्रकाश विष्टले जानकारी दिए ।

पक्राउ परेकाहरुको साथबाट स्पास्मो प्रोक्सिभान प्लस लेखिएको पाँच पत्ता ४० वटा र सोडियन फोसफेट एण्ड क्लोरपफेनिरमाइन मेल्ट सिरफ १०० एमएल २५ बोतल बरामद भएको छ ।  

यस्तै औरही नगरपालिका कठुधारबाट गौशाला नगरपालिका ४ बस्ने २२ वर्षीय रबिन साह र १५ वर्षीय नाबालकलाई पनि लागुऔषधसहित पक्राउ गरेको छ ।

सम्सीबाट माईस्थानतर्फ जादै गरेका ज१०प४९४२ नम्बरको मोटरसाईकलमा सवार मोटरसाकल चालक साह र नाबालकलाई अस्थायी प्रहरी पोष्ट कठुधारका प्रहरीले पक्राउ गरेको डिएसपी विष्टले बताए ।

उनीहरुको साथबाट प्रहरीले एक्सप्लोन १०० एम एल ६९ बोतल , नाइट्रोभेट ट्यावलेट ४५ ट्यावेलट र स्पास्मोप्राक्सिभान प्लस २४ क्याप्सुल बरामद भएको छ ।

यस्तै प्रहरीले लागुऔषध मगाउने बर्दिवास नगरपालिका १२ बस्ने ३४ वर्षीय रन्जन आलेलाई ज१२ प ३००१ नम्वरको मोटरसाइकलसहित गौशाला नगरपालिका ३ इटाटार चोकबाट नियन्त्रणमा लिएको छ ।