वीरगञ्जमा चोरीको स्कुटीसहित एक युवक पक्राउ

टुडेपाटी-

वीरगञ्ज, जेठ ७ गते ।

वीरगञ्जमा चोरीको स्कुटीसहित एक युवकलाई पक्राउ गरेको छ । पक्राउ पर्नेमा वीरगञ्ज महानगरपालिका वडा नम्बर १ घर भएका २२ वर्षका प्रदिप साह रहेका छन् ।

वीरगञ्ज २ छपकैया बस्ने रँजित साहको नाममा रहेको ना.२३ प.८२७१ नम्बरको हरियो रंगको स्कुटी प्रगतिनगरमा पार्किङ गरी राखिएको अवस्थाबाट लक फुटाई चोरी भएको थियो । अनुसन्धानको क्रममा पक्राउ परेका साहले उक्त स्कुटी चोरी वीरगञ्ज २५ र्सिसिया स्थित खुसानी साहको घरमा लुकाएर राखेको प्रहरीले जनाएको छ ।

प्रहरीले स्कुटीसहित सोही स्थानबाट साहलाई पक्राउ गरेको पर्साका प्रहरी प्रवक्ता एवम् प्रहरी नायब उपरिक्षक ओम प्रकाश खनालले जानकारी दिए । पक्राउ परेका उनलाई चोरी सम्बन्धी कसूर मुद्दामा अनुसन्धान प्रकृया अगाडि बढाइएको खनालले बताए ।