कोरोना संक्रमणबाट सिरहामा एकजना डाक्टरको मृत्यु

टुडेपाटी-

जनकपुरधाम, जेठ ४ गते ।

कोरोना संक्रमणका कारण सिरहामा एकजना डाक्टरको मृत्यु भएको छ । सोमबार साँझ विराटनगरको विराट नर्सिंङ अस्पतालमा उपचारको क्रममा अर्थोपेडिक विशेषज्ञ डा. मुकेश चौधरीको मृत्यु भएको हो ।

लहान नगरपालिका वडा-६ घर भएका ३५ वर्षीय डा.  चौधरीको कोरोना संक्रमणकै कारण मृत्यु भएको लहान नगरपालिकाका स्वास्थ्य शाखा संयोजक रामसुन्दर यादवले जानकारी दिए ।

उनका अनुसार डा. चौधरी कोरोना संक्रमित भइ ९ दिनदेखि होम आइसोलेसनमा बस्दै आएका थिए । हिजो साँझ उपचारका लागि विराटनगरस्थित विराट नर्सिंङ लगेको केही बेरमै उनको मृत्यु भएको यादवले बताए ।

डा. चौधरी लहानमा डाइनोष्टिक सेन्टर सञ्‍चालन गर्दै आएका थिए । उनी सोही सेन्टरमा सेवा दिने क्रममा संक्रमित भएका थिए ।