बारामा आफैले चलाएको मोटरसाइकल दुर्घटना हुँदा २ जनाको ज्यान गयो

टुडेपाटी-
बारा, वैशाख २ गते ।

बारामा आफैले चलाएको मोटरसाइकल अनियन्त्रित भई दुर्घटना हुँदा दुईजनाको मृत्यु भएको छ । गएको राति साढे ११ बजेको समयमा जितपुर सिमरा उपमहानगरपालिका १६ स्थित पूर्व पश्चिम सडकखण्डको बालगंगा पुल नजिक ना.२७ प ६३६ नम्बरको मोटरसाइकल दुर्घटना हुँदा उनीहरूको मृत्यु भएको हो ।

निजगढबाट पथलैया तर्फ जादै गरेको मोटरसाइकल अनियन्त्रित भई दुर्घटना हुँदा मोटरसाइकलमा सवार सिरहाको सिरहा नगरपालिका ७ बस्ने ३९ वर्षीय सशीकान्त झा र नुवाकोटको बिदुर गाउँपालिका ७ बस्ने ३९ वर्षीय सानु काजी चित्रकारको मृत्यु भएको बाराका प्रहरी प्रवक्ता एवं प्रहरी नायब उपरीक्षक गौतम मिश्रले जानकारी दिए ।

Sponsored

दुर्घटनामा परी गम्भीर घाइते भएका झाको उपचारको लागि अस्पताल लैजादै गर्दा बाटोमा र चित्रकारको उपचारको क्रममा वीरगन्जको गण्डक अस्पतालमा बिहीबार बिहान सवा १ बजे मृत्यु भएको मिश्रले बताए ।