वीरगञ्जबाट काठमाडाैँतर्फ आउँदै गरेको बसबाट लागुऔषधसहित २ जना प्रहरीको फन्दामा

टुडेपाटी-
जनकपुरधाम, चैत २२ गते ।

वीरगञ्जबाट काठमाडाैँतर्फ आउँदै गरेको बसबाट प्रतिबन्धित लागूऔषधसहित २ जना पक्राउ परेका छन् । पक्राउ पर्नेमा बाराको कलैया उपमहानगरपालिका वडा नं.२७ बस्ने १९ वर्षीय आजाद अन्सारी र पर्साको पकाहामैनपुर गाउँपालिका वडा नं.५ बस्ने १९ बर्षीय अमित कुमार चौरासिया रहेका छन् ।

नागढुंगास्थित चेकप्वाइन्टमा महानगरीय प्रहरी प्रभाग नागढुंगाबाट खटिएको प्रहरी टोलीले चेक जाँच गर्ने क्रममा काठमाडाैँतर्फ आउँदै गरेको ना ७ ख ५३४६ नम्बरको यात्रुबहाक बसलाई रोकी चेकजाँच गर्ने क्रममा लागूऔषधसहित शुक्रबार बिहान उनीहरुलाई पक्राउ गरेको हो ।

बसमा यत्रा गरी आएका उनीहरुले झोलाभित्र लुकाई छिपाई ल्याएको अबस्थामा प्रतिबन्धित औषधीजन्य लागूऔषध फनारगन, डाईजपाम र निर्फिन बरामद गरेको प्रहरीले जनाए ।

नियन्त्रणमा लिई आवश्यक कारवाहीको लागि वृत्त थानकोट पठाएइको उनीहरुलाई लागुऔषध नियन्त्रण ऐन २०३३ अनुसार अनुसन्धान भइरहेको प्रहरीले जानकारी दिएको छ ।