सिरहामा सवारी दुर्घटनामा घाइते भएका व्यक्तिको साथबाट पेस्तोल र गोलि बरामद

टुडेपाटी-
सिरहा, चैत १६ गते ।

आइतबार राति साढे ८ बजे सिराहाको गोलबजार नगरपालिका- ७, पुरानो चोहर्वास्थित पूर्वपश्चिम राजमार्गमा सवारी दुर्घटना भएको छ ।

पूर्वबाट पश्चिम दिशातर्फ आउँदै गरेको ना ३ ख ४३ नम्बरको ट्रकले विपरीत दिशाबाट आउँदै गरेको प्र-२- ०१ ००२ प ५४०९ नम्बरको मोटरसाइकललाई ठक्कर दिएको थियो ।

दुर्घटनामा परी मोटरसाइकल चालक कर्जन्हा नगरपालिका- ४ का मुकेश दास घाइते भएका थिए । घाइते दासको साथबाट २ राउन्ड गोली र घटनास्थलबाट कटुवा पेस्तोल भेटिएको प्रहरीले जनाएको छ ।

पेस्तोल र गोली बरामद भएपछि निगरानीमा दुर्घटनाका घाइते दासको विराटनगरस्थित विराट नर्सिङ होममा उपचार भइरहेको छ ।

घटनाका सम्बन्धमा थप अनुसन्धानका भइरहेको सिरहाका प्रहरी प्रवक्ता डीएसपी शालिग्राम शर्माले बताए ।