रौतहटमा गोली र पेस्तोलसहित एकजना पक्राउ

टुडेपाटी-

रौतहट, चैत ३ गते ।

रौतहटमा दुई थान पेस्तोलसहित एक जनालाई सशस्त्र प्रहरीले पक्राउ गरेको छ ।

सोमबार रौतहटको यमुनामाई गाउँपालिका ३ बाट स्थानीय शेष बैतुल्लालाई पक्राउ गरेको प्रहरीले जनाएको छ ।

पक्राउ परेका शेषको साथबाट चाइनिज पेस्तोल एउटा, एउटा म्याग्जिन र गोली २ वटा, कटुवा पेस्तोल एउटा र विभिन्न देशका नोट समेत बरामद गरेको हो ।

उनलाई जिल्ला प्रहरी कार्यालय रौतहटमा बुझाएको सशस्त्रले जनाएको छ।