महोत्तरीका प्रमोद कटुवा पेस्तोल र गोलीसहित बाराबाट पक्राउ

टुडेपाटी-
जनकपुरधाम, चैत ७ गते ।

बारामा अवैध हतियार र गोलीसहित १ जनालाई पक्राउ गरेको छ । पक्राउ पर्नेमा महोत्तरीको महोत्तरी गाउँपालिका–२ बस्ने अन्दाजी ४० वर्षीय प्रमोदकुमार चौधरी भूमिहार छन् ।

जितपुरसिमरा उपमहानगरपालिका–७ शान्ति टोलस्थित बाटो छेउमा रहेको गजेन्द्र ठाकुरको सैलुनमा शंकास्पद रूपमा बसिरहेको अवस्थामा भूमिहारलाई पक्राउ गरिएको जिल्ला प्रहरी कार्यालय बाराका प्रहरी नायव उपरीक्षक गौतम मिश्रले जानकारी दिए ।

इलाका प्रहरी कार्यालय सिमरा र जितपुरबाट खटिएको संयुक्त प्रहरी टोलीले चेकजाँच गर्दा कटुवा पेस्तोल १, गोली २ राउण्ड र मोबाइल सेट २ फेला पारी बरामद गरेर चौधरीमाथि थप अनुसन्धान भइरहेको डीएसपी मिश्रले बताए ।