बर्दिवासमा मोटरसाइकलको ठक्करबाट एक पैदलयात्रीको मृत्यु
टुडेपाटी-
बर्दिवास, फागुन २१ गते ।
महोत्तरीमा मोटरसाइकलको ठक्करबाट एकजना पैदलयात्रीको मृत्यु भएको छ । मृत्यु हुनेमा महोत्तरीको बर्दिबास नगरपालिका–३ गौरीडाँडा बस्ने ६६ वर्षीया भद्रामायाँ भुजेल छिन् ।
बर्दिबासबाट सिन्धुलीतिर जाँदै गरेको लु ५९ प ३७३५ नम्बरको मोटरसाइकलले बिहीबार साँझतिर भुजेललाईबाटो काट्ने क्रममा ठक्कर दिएको थियो । उपचारका लागि काठमाडौं लग्दै गर्दा उनको बाटोमै मृत्यु भएको इलाका प्रहरी कार्यालय बर्दिबासका डीएसपी बीरेन्द्र थापाले जानकारी दिए ।
Sponsored
मोटरसाईकल चालक बर्दिबास– ३ पाटुका २५ वर्षीय युवराज माझी र मोटरसाइकलमा सवार पुर्णिमा माझी घाइते भएका छन् ।
