धनुषाबाट अपहरणमा परेका ७ वर्षीय बालक भेट्यो, १ करोड फिरौती माग्ने बुवा र मामा पक्राउ

टुडेपाटी-

जनकपुरधाम, फागुन ९ गते ।

धनुषाबाट अपहरणमा परेका एक बालकको सकुशल उद्धार गरिएको छ ।

नगइराइन नगरपालिका ६ स्थित जटहीबाट शनिबार बिहान अपहरणमा परेका ७ वर्षीय बालकको प्रहरीले ७ घण्टा भित्रै उद्धार गरेको हो ।

उनलाई शनिवार राति जनकपुरको एक होटेलबाट उद्धार गरिएको जिल्ला प्रहरी कार्यालय धनुषाले जनाएको छ ।

जटहीका रमेश दासका ७ वर्षीय छोरा चन्दन शनिबार दिउँसो १ बजेबाट हराएका थिए ।

प्रहरीका अनुसार साँझमा उनको घरमा बच्चालाई अपहरण गरिएको भन्दै १ करोड फिरौती माग गरिएको थियो ।

धनुषाबाट अपहरणमा परेका एकजना बालकको ७ घण्टाभित्रै सकुशल उद्धार गरिएको छ ।

अपहरणमा संलग्न बालकका मामासहित ३ जना पक्राउ परेका छन् । पक्राउ पर्नेमा बालकका बुवा पनि छन् ।

बच्चाको अपहरणमा संलग्न भएका उनका दुई जना मामा पक्राउ परेका छन् । लक्ष्मेश्वर दास र अर्का एक जनाको नाम खुल्न सकेको छैन् ।

प्रहरीले अपहरित बालकका पिता रमेशलाई पनि पक्राउ गरेको छ ।

बच्चा अपहरणमा उनको पनि संलग्नता भएको आशंकामा उनलाई पनि पक्राउ गरिएको प्रहरीले जनाएको छ ।

घटनाबारे अन्य अनुसन्धान भइरहेको प्रहरीले जनाएको छ ।