सप्तरीमा बोलेरोको ठक्करबाट मोटरसाइकल चालकको घटनास्थलमै ज्यान गयो

शुभ नारायण यादव-
सप्तरी, माघ २१ गते ।
सप्तरीमा मोटरसाइकल र बोलेरो एक आपसमा ठोकिँदा एकजनाको घटनास्थलमै मृत्यु भएको छ ।

पुर्वपश्चिम राजमार्ग अन्तर्गत सप्तरीको हनुमाननगर कङकालिनि नगरपालिका १ भारदहमा पुर्वबाट पश्चिम तर्फ जादै गरेको लु २५ प ५७१२ नम्बरको मोटरसाइकल तथा बिपरित दिशाबाट आउँदै गरेको को १ ज ३१९९ नम्बरको बोलेरो गाडीलाई ठक्कर दिँदा मोटरसाइकल चालकको घटनास्थलमै मृत्यु भएको हो ।

मृत्यु हुनेमा मोटरसाइकल चालक मोरङको रङगेली नगरपालिका-८ का ३७ वर्षीय भिमराज राजवंशी रहेको जिल्ला प्रहरी कार्यालय सप्तरीका डीएसपी एव प्रवक्ता भुवनेश्वर साहले जानकारी दिए ।

Sponsored

ठक्कर दिने बोलेरो तथा बोलेरो चालक धनकुटाको पाख्रावास नगरपालिका-४ का ३९ वर्षीय तोर्ण निरोला प्रहरीको नियन्त्रणमा रहेको तथा घटनाको आवश्यक थप अनुसन्धान कार्य भइरहेको उनले बताए ।