जनकपुरका विद्यालय आजदेखि तीनदिन बन्द

टुडेपाटी-

जनकपुरधाम, माघ १८ गते ।

अत्याधिक जाडो बढेपछि जनकपुरधाम उपमहानगरपालिकाले तीन दिनकालागि विद्यालय बन्द गर्ने निर्णय गरेको छ ।

पछिल्लो केही समययता बढेको अत्याधिक चिसोले बालबालिकामाथि नकरात्मक असर पर्नसक्ने भन्दै उपमहानगरपालिकाले एक सूचना जारी गर्दै तीन दिनकालागि विद्यालयमा विदा दिने निर्णय गरेको जनाएको छ ।

आइतवारदेखि मंगलवारसम्म उपमहानगरपालिकाले विदा दिएको शिक्षा शाखा प्रमुख मेहिलाल यादवले जानकारी दिए ।

अगामी बुधवारदेखि सबै विद्यालय नियमित रुपमै संचालन हुने उनले बताए ।

तर उपमहानगरपालिकाले आइतवार मात्र सूचना जारी गरेकाले कठ्याग्रिंएर विद्यालय पुगिसकेका बालबालिका निरास भएर घर फर्केका छन् ।