प्रदेश २ : महिला शौचालय जाँदा बलात्कारको प्रयास, छिमेकी नरेश पक्राउ

टुडेपाटी-

राजविराज, माघ १७ गते ।

सप्तरीमा बलात्कारको प्रयास गरेका एकजनालाई प्रहरीले पक्राउ गरेको छ ।

सप्तरीको रूपनी गाउँपालिका–३ मलाहाटोलका २६ वर्षीय नरेश मुखिया मलाहालाई बलात्कार प्रयासको आरोपमा पक्राउ गरिएको जिल्ला प्रहरी कार्यालय सप्तरीले जनाएको छ ।

प्रहरीका अनुसार नरेश ती महिलाकी छिमेकी हुन् ।

गत कात्तिक ६ गते राति शौचालय गएका बेला आरोपितले बलात्कार प्रयास गरेको भन्दै एक महिलाले उजुरी गरेका थिए ।

पीडितले जिल्ला प्रहरी कार्यालयमा दिएको उजुरी कात्तिक २७ गते नै दर्ता भए पनि फरार रहेकाले खोजतलासका क्रममा पक्राउ गरिएको प्रहरी नायब उपरीक्षक भुवनेश्वरप्रसाद साहले जानकारी दिए ।