सप्तरीमा लागुऔषधसहित २ युवक पक्राउ

टुडेपाटी-
सप्तरी, माघ १४ गते ।

सप्तरीमा लागुऔषधसहित दुईजना युवक पक्राउ परेका छन् । पक्राउ पर्नेमा बिष्णुपुर गाउँपालिका ४ बस्ने २० वर्षीय राजेश कुमार गुप्ता र १९ वर्षीय सत्यदेव खंग छन् ।

राजगढ गाउँपालिका-२ बनैनियाँबाट मंगलबार साँझ उनीहरुलाई पक्राउ गरिएको प्रहरीले जनाएको छ । स १ प ९८७८ नम्बरको मोटरसाइकलमा सवार भएका दुवैको साथबाट नाइट्राभेट–१० ट्याब्लेट ९० थान बरामद भएको छ ।

Sponsored

पक्राउ परेका दुवै जनालाई लागुऔषध मुद्दामा जिल्ला अदालतबाट म्याद थप गरी अनुसन्धान सुरु गरिएको प्रहरी प्रवक्ता भुवनेश्वर साहले जानकारी दिए ।