धनुषामा आफैले चलाएको ट्याक्टर पल्टिदा चालकको मृत्यु

टुडेपाटी–

जनकपुरधाम, माघ १२ गते ।

धनुषामाको विदेहनगरमा आफैले चलाएको ट्याक्टर पल्टिदा किचिएर चालकको मृत्यु भएको छ ।

मृत्यु हुनेमा विदेह नगरपालिका–३ गोबराही बस्ने ३० वर्षय विनोद कुमार महरा रहेको सीमा प्रहरीचोकी दुहवीका सई हिलस कुमार सिंहले जानकारी दिए ।

उनका अनुसार सोमबार विहान साढे ११ बजे माटोलिन विदेहनगरपालिकाको ठाढीबाट दुहबी तर्फ जाँदै गरेको ट्याक्टर अनियन्त्रित भएर दुर्घटना भएको हो ।

ट्याक्टर पल्टिदा स्टेरिंगले च्यापिएर चालक महराको घटनास्थलमै मृत्यु भएको छ ।

दुर्घटना भएको ट्याक्टरको नम्बर नखुलेको र घटना विषयमा थप अनुसन्धान गरिरहेको सई सिंहले बताए ।