महोत्तरीमा घुर ताप्ने क्रममा शरीरमा आगो लाग्दा एक महिला घाइते

टुडेपाटी-
महोत्तरी, पुस १३ गते ।

महोत्तरीमा जाडो छल्न आगो बालेर घुर ताप्ने क्रममा शरीरमा आगो लाग्दा एक महिला घाइते भएका छन् ।

महोत्तरीको एकडारा गाउँपालिका ३ पर्सा बस्ने ७० की राजो देवी साह जलेर गम्भीर घाइते भएकी हुन् ।

आइतबार साँझ ७ बजेको समयमा घुर ताप्ने क्रममा साडीमा आगो लागेर शरीर जलेर घाइते भएको जिल्ला प्रहरी कार्यालय महोत्तरीले जनाएको छ ।

उनको उपचार प्रादेशिक अस्पताल जनकपुरमा भइरहेको र घटना विषयमा अनुसन्धान गरिरहेको प्रहरीले जनाएको छ ।